طريقه سهله اوى وحلوه للملوخيه

اول حاجه عادى قطفيها وبعدين اغسليها وبعد كده سبيها لحد ماتنشف كويس ونيجى للمفيد بأه تجيبى كيس عادى اللى بتعينى فيه الخضار وتحطى الورق فيه وتضغطى عليه عشان مش عايزين يكون جواه هوا وبعدين تعينيه فى الفريزر ولما تحبى تطبخى منها تطلعى الكيس وتأخذى الكميه اللى عايزاها وتكونى مجهزه الشوربه بتاعتها العادى اللى بتعمليها وبعدين تحطى الورق فى الخلاط بتاع العصير ومعاها شويه ميه صغيرين بس علشان تمشيها طبعا عشان هيا ورق وبعدين تضربيها فى الخلاط حسب ماانتى بتحبيها لوبتحبيها خشنه اضربيها شويه صغيرين انا عن نفسى بحبها ناعمه وبعد كده تضيفيها للشوربه بتاعتها اللى مجهزاها وتكون بتغلى وتقلبى كويس والله بتلاقيها احسن من المخروطه وبتتماسك ومش بتكون مقطعه وبتلاقيها بتتظبط من اول تقليبه ومتحطيش الغطا عليها غير فى الاخر لما تطفى عليها وبعدين تحمرى التوم والكسبره الناشفه وتحطيها عليها وتقلبى تقليبه وبعدين تطفى النار وتغطيها لازم تجربوها والله روعه وسهله جدااااااااااااا