Bonne chance
بسم الله الرحمن الرحيم
مرحبا بك زائرنا الكريم يشرفنا إنضمامك لنا

Bonne chance

تعليمى / ترفيهى
 
الرئيسيةاليوميةس .و .جبحـثالتسجيلدخول
تم إفتتاح قسم جديد خاص بالمرأه
مرسى يزور السودان
الأهلى يواجه توسكر الكينى غداً
لقاء الجمعه/ مقال الأسبوع (زيدان بين الإستثمار و الهيافه )
إدارة المنتدى تهنأكم بحلول شهر رمضان المعظم
الدولار يصل 8.5 جنية فى السوق السوداء
حازم صلاح يؤسس حزب جديد
الزمالك ينتفض للحصول على بطولة الدورى
العمالة المصرية فى خطرررر فى السعودية
مطلوب مشرفون للأقسام
الكويت تخنق الوافدين و المقيمين بقرارات مجحفة

شاطر | 
 

 طرق لحفظ الخضار والفاكهة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hla2010
مشرف


عدد المساهمات : 9
نقاط : 5461
تاريخ التسجيل : 12/06/2010

مُساهمةموضوع: طرق لحفظ الخضار والفاكهة   الإثنين يوليو 19, 2010 3:34 am



السلام عليكم
عزيزتى أقدم لكى اليوم بعض الطرق
لحفظ الخضار والفاكهة
أولا :- حفظ الخضار





البامية

بتشيلي الجزء الزائد اللي فيها "يعني تقمعيها"، وبعد كده تغسليها كويس وتسيبيها تنشف، وبعدين هاتي حلة وفيها كمية صغيرة جداً من السمنة ومعاها كمية من البصل المفروم وشوّحي البصل في السمنة، وبعد كده حطي البامية وشوّحيها مع البصلة على النار لمدة 3 أو 5 دقايق، وبعد كده سيبيها تبرد وقسّميها في أكياس بلاستيك، بحيث إن كل كيس يكون فيه الكمية اللي تكفي لوجبة فطار على حسب عدد أفراد العيلة عندك.


الفاصوليا والبسلة

هتعمليها بنفس الطريقة اللي فاتت، بس طبعاً هتنظفي الفاصوليا الأول وتقطعيها لقطع صغيرة، والبسلة هتفصصيها وبعد كده تشوّحيهم مع البصل والسمن على النار لمدة 3 أو 5 دقايق وتشيليهم في أكياس في الفريزر.


الملوخية

هاتي الملوخية وقطفيها واغسليها كويس، وحطيها في مصفاة علشان تصفي ميتها كويس، وبعد كده خرّطيها وحطّيها في أكياس نايلون ناشفة وحطيها في الفريزر.


ورق العنب

هاتي ورق العنب واغسليه كويس، وبعد كده حطيه في مية مغلية لمدة 3 دقائق، وشيليه منها وحطيه في مصفاة يصفي ميته، ويبرد، بعد كده لفّيه في فوطة ناشفة وحطيه في أكياس نايلون، بس اتأكدي إن الكيس ما فيهوش أي أثر للهواء، وبعد كده حطيه في الفريرز.


القلقاس

بتقشّريه من غير ما تغسليه، وبعد كده امسحيه بفوطة نظيفة وقطعيه لمكعبات، وحطّيه في الأكياس وحطيه في الفريزر.


الثوم

خلّي بالك لو هتحفظي الثوم إنك تشتريه وهو جديد يعني يكون طري مش ناشف، وبعد كده بتقشري القشرة الخارجية الموجودة على الرأس من بره؛ يعني مش بتقشريه فص فص، وبعد كده بتفرميه مع كمية صغيرة من الملح وحطيه في أكياس وحطيف الفريزر، بس لازم تتأكدي إنك تقفلي الكيس كويس جداً، علشان ريحة الثوم ما تأثرش على باقي الأكل الموجود في الفريزر.


ثانيا :- طرق حفظ الفاكهة


المانجو

يُفضّل إنك تحفظيها على شكل قطع صحيحة، ودي أحسن طريقة لحفظ المانجو، وهي إنك تجيبيها بس خلي بالك إنك تنقيها تكون جامدة مش مستوية أوي، واغسليها كويس وقشّريها وقطعيها لشرائح عريضة، ورشّي عليها عصير ليمون، واحفظيها في أكياس بلاستيك جافة في الفريزر.


التفاح والجوافة

بتغسليهم وتقطّعيهم وترشّي عليهم سكر وليمون، وتحفظيهم في أكياس بلاستيك جافة في الفريزر.


المشمش والخوخ

فبتغسليهم وتنزليهم في مية مغلية وتسيبيهم لمدة ثواني، وبعدين شيليهم وحطيهم في مية مثلجة، وبعد كده قشريهم وقطعيهم، وبعدين رشي عليهم ليمون وسكر، واحفظيهم في أكياس بلاستيك جافة في الفريزر.


الفراولة

بتغسليها وتشيلي الجزء الأخضر منها وتقطّعيها وتحفظيها في أكياس بلاستيك جافة في الفريزر.
سلااااااااااام
الرجوع الى أعلى الصفحة اذهب الى الأسفل
الجزار
عضو جديد


عدد المساهمات : 5
نقاط : 5371
تاريخ التسجيل : 19/07/2010

مُساهمةموضوع: رد: طرق لحفظ الخضار والفاكهة   الإثنين يوليو 19, 2010 6:27 am

تسلم مقترحاتك ومتحريمناش من جديدك دايما
الرجوع الى أعلى الصفحة اذهب الى الأسفل
 
طرق لحفظ الخضار والفاكهة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Bonne chance :: المرأه :: مطبخ العائله-
انتقل الى: